文記車仔麵(深水埗)

這個是我的飯堂，因為工作關係，晚上通常要外面解決，一個人，夜媽媽，又沒有太多時間，最好就係食車仔麵，速戰速決。

佢有2間舖，舊舖食物會多選擇(如煎釀三寶)，新舖新裝修，樓面光猛一點。食環境既港女，一定去新舖。而行實用主意路線既我，邊間快D有得食就去邊間。今日新舖有位，即時衝左入去。

去到個姐姐會比張膠面點菜牌，你就坐係位用MARKER筆圈菜。平時通常食三餸，不過今日太肚餓，叫左4個餸。今次選擇左八爪魚腐皮卷、生菜、鹵水雞腎同侯柱牛腩，面底係米粉(加埋好似$47)。

等左一陣個車仔麵終於出黎，重點就係匙羹上既秘制辣汁。將佢撈落湯同麵一齊食，好快就可以清曬成碗麵。

如果下次一個人，係深水埗唔知食咩好，不妨過黎試下這間車仔麵。

ADDRESS:

深水埗福榮街121號地下

鰹(深水埗)

深水埗原來都有不少拉麵店，今次就走到去接近太子個邊，去一間叫「鰹的一滴」既拉麵。拉麵店門面好似係賣材料，走下走下好易會錯過左。

入到去坐底，就係ORDER 紙上選擇食物，既然這間舖頭以鰹魚作為主題，我就來一個「鰹的一滴」去試試味。

今次見到既調味料主要有醋、黑胡椒粒同七味粉。今次亦發現佢係5月18日有個新湯底(雞味)，唔鐘意魚就可以揀雞來試一下。

個麵黎到，有竹筍、日式叉燒同紫菜。同一般拉麵店個拉麵係偏幼，同爽口。最令我開心係個湯，好濃鰹魚味，對我黎講，係咁多間拉麵店，佢個湯底最好味個間。(有一間都有落鰹魚粉，但係湯會有粉粒，飲落不爽。)

雖然這間的配料比其他少，但由於愛上湯底關係，所以好大機會再去光顧。

地址:深水埗鴨寮街28-36號運福樓地下B號舖