我最鐘意趁這個較晚的鐘數，揀熱門餐廳食，因為唔使排隊。今次，我選擇了琥酌。我係當日最後一個客，唔使排隊就入左去。一坐底就叫左最平個個餐($188, 加埋1成$210，都真係唔平~)今日最爽就係—自私食~ 唔使理丁丁同老公，想點食就點食~
安格斯御膳包括麵豉湯、溫泉蛋、珍珠飯、吉列牛肉、龍蝦薯仔沙律、菇菌及椰菜絲。
上菜時待應已經教我每邊煎30秒就剛剛好，咁我就乖乖地照跟。
餐廳預備了水晶岩鹽、柚子胡椒、粗粒山葵外，還有和風芥末汁、香濃燒汁、柚子檸醋供客人點牛肉作提味之用。
吉列牛肉本身已經好特別，即煎即食當然更加開心。有D吉列牛肉一咬就開，有D就要咬多幾下。但整體牛肉是還可以的。
麵豉湯的味道濃郁，好可惜我攤凍左再飲，浪費了這碗湯。
溫泉蛋可以拌飯吃，不過我加了椰菜絲及醬油一齊食，效果出乎預期的好吃~
龍蝦薯仔沙律，一個圓型的東東~ 好好吃~
菇菌，好清淡，點醬油吃。
總括而言，我已經好耐無試過專心吃東西，但今次我可以不看電話，專注美食，是一種享受~
(如果同小朋友一齊食，又驚佢百厭攪燒烤爐，又驚食物唔熟…… 所以這間餐廳，還是慰勞自己的時候再去吧~)
沒有留言:
張貼留言