由於間餐廳比地盤圍板遮住左，要留心先會見到。入到餐廳，好明顯見到裝修方面落左心機，連放紙巾同調味料既箱都係特別配置，唔同一般餐廳買個膠兜就算。
點員除左比左2杯水，仲比左一兜nut 比我地，阿女即時勁開心。
佢比左2份餐牌我地，我打開左，裏面有多款小食同意粉，仲有扒餐，但我見唔到有漢堡包。
阿女突然指住張圖話要食漢堡飽，原來佢個餐牌先係漢堡餐牌，仲要有多款揀。
今次我叫左個「近江和牛漢堡」($83)，加$28升級左做餐，可從湯/沙律/薯條/薯角選擇一個，再有飲品。咁我就選擇左沙律同熱檸水。另再在漢堡加多一隻煎蛋。
見到餐牌有多款食物，真係好想試試，不過先睇下今次質素如何先。
田園沙律
阿女見到麵包粒已經雙眼發光，同埋佢竟然鐘意食沙律菜，今次佢比平時食得多。
近江和牛漢堡+煎蛋(全熟)
店員好有心問我想要太陽蛋定熟蛋，我選擇左全熟。個漢堡一上場，阿女已經「嘩」左一聲。切開2份，我用牛油紙包住比阿女食，阿女食得好滿足。
我都覺得比預期出色，個包不同平時的「生X麵包」，外脆內軟，而煎牛肉餅有炭燒的感覺，感受到廚師好用心去煎。整體來說真的很不錯。
阿女已經要求下次再黎，我見到佢餐牌有個黯然銷魂漢堡，但供應有限，仲要等25分鐘，如果有時間，下次都要試下先。
地址：九龍城南角道5號
沒有留言:
張貼留言