鰹(深水埗)

深水埗原來都有不少拉麵店，今次就走到去接近太子個邊，去一間叫「鰹的一滴」既拉麵。拉麵店門面好似係賣材料，走下走下好易會錯過左。

入到去坐底，就係ORDER 紙上選擇食物，既然這間舖頭以鰹魚作為主題，我就來一個「鰹的一滴」去試試味。

今次見到既調味料主要有醋、黑胡椒粒同七味粉。今次亦發現佢係5月18日有個新湯底(雞味)，唔鐘意魚就可以揀雞來試一下。

個麵黎到，有竹筍、日式叉燒同紫菜。同一般拉麵店個拉麵係偏幼，同爽口。最令我開心係個湯，好濃鰹魚味，對我黎講，係咁多間拉麵店，佢個湯底最好味個間。(有一間都有落鰹魚粉，但係湯會有粉粒，飲落不爽。)

雖然這間的配料比其他少，但由於愛上湯底關係，所以好大機會再去光顧。

地址:深水埗鴨寮街28-36號運福樓地下B號舖