宗像屋(深水埗)

火山式魚生飯，視覺上好吸引，為左唔使排成個鐘，專登揀平日一放工既時間(大約6時左右)就衝左入去。

不過佢門面真係行低調路線，行過左都唔會覺。去左個死角位坐係道，掛好個袋，坐底慢慢揀。

餐牌得4個選擇(都係魚生飯)，有選擇困難症既朋友相對易選擇。考慮荷包同肚餓程度，我就揀左「竹」(全部增量)。等左一陣，有得食LA~

芝麻醬魚片

個芝麻醬好濃，食唔到魚生既鮮味。食左一片，餘下一片做茶泡飯。

火山式魚生飯

上場個時有嘩一聲的感覺，因為係諗緊「點畢黎食? 冧左咪好樣衰!」

倒左豉油後，小心奕奕”畢”左D飯同魚生做手卷，雜錦迷你手卷，感覺良好。

當然，重點一定係魚生飯，因為有不同的海鮮，咬落有不同的口感，味道則以吞拿魚蓉為主。

最後，將飯及魚生及魚生片放入碗中，交給師傅加湯，就可以享受茶漬飯。

由於加量，食完超飽。如果係魚生飯愛好者，一定食得好開心。但由於餐牌沒有其他食物選擇，如果有小朋友/唔太鐘意食魚生，就未必可以食得很盡興。

地址：深水埗青山道60號地下B舖

混乱拉麵(深水埗)

這間舖面標示著幾項特別的溫馨提示：

但我偏偏係今日同外子約會，仲要之去工作既日子，就去光顧這間拉麵店。

入到去係一般日式拉麵屋間格，每一碗麵就剔1張ORDER 紙。我今次試下混乱玉子拉麵，所有配料正常份量，不過有個選項我很好奇，究竟咩係「背脂先生」?

係等待期間周圍望，調味料有醋及醬油，以及張貼份量比例的的圖片。

拉麵黎到，有配料，叉燒及玉子。湯味濃郁，而且拉麵爽口，喜歡酸味的我更加了香醋調味，所以一迅間我已清除了半碗拉麵。

不過，味道香濃的秘密，我相信「背脂先生」擔當了一個重要角色，因為，佢真係身份係肥膏，佢唔止一粒，而係好幾粒。雖然真係幾好食，不過只可以係一粒起，兩粒止。

今次感覺不錯，而且佢的宣傳牌有「辛辛拉麵」。喜歡辣味的我，已為下次光顧時作出選擇。

HANA SOFT CREAM (深水埗)

相信早前不少人都對西九龍中心既雪糕消息表示關注。但係有一間雪糕店我關注左好耐，就係HANA SOFT CREAMD 。佢係西九龍中心係算高價價錢雪糕店，好食唔好食，就要試過先知~

今日見到個牌見到「特盛紅豆蕨餅杯」，即時心動不如行動，

買左~

今次揀左牛奶味雪糕。多謝盛惠$30大洋。

好快就到手，睇落唔錯，試個牛奶味雪糕，牛奶味濃，口感較結實，紅豆沙味道同牛奶好夾，而蕨餅反而比想像遜色。

地址：深水埗欽州街37號西九龍中心6樓628A號舖